अखबार नेपाल ट्रेन्डिङ

काठमाडौं: अवैतनिक महावाणिज्यदूतले प्राप्त सेवा सुविधाको दुरुपयोग गरेको भन्दै सरकारले ती सुविधा फिर्ता लिने निर्णय गरेको छ । महावाणिज्यदूत गैरकानूनी गतिविधिमा संलग्न रहेको भेटिए लगत्तै परराष्ट्र मन्त्रालयले एक विज्ञप्ति मार्फत सुविधा फिर्ता गरेको जनाएको छ ।

विज्ञप्तिमा भनिएको छ– ‘अब विभिन्न देशमा रहेका नेपालका अवैतनिक महावाणिज्य दूतले आफ्नो सवारीमा नीलो नम्बर प्लेट र सम्बन्धित देशको झण्डा प्रयोग गर्न पाउने छैनन् ।’ हालैमात्र किर्गिजस्तानका अवैतनिक महावाणिज्य दूत सुलभ अग्रवाल कूटनीतिक सवारी साधन प्रयोग गरेर कालोबजारीमा संलग्‍न भएको अवस्थामा पक्राउ परेपछि सरकारले नयाँ निर्णय लिएको हो ।