अखबार नेपाल ट्रेन्डिङ

काठमाडौं: हाल देशमा स्थानीय वायुको साथै पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । महाशाखाका अनुसार हाल देशका पूर्वी तराई भू–भागका साथै मध्य भू–भागमा आंशिक बदली रहेको जनाएको छ ।

महाशाखाले बिहीबारको मौसम पूर्वानुमानमा उल्लेख गरेअनुसार दिउँसो देशको पूर्वी तथा मध्य पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहने जनाएको छ । यसैगरी, पूर्वी तथा मध्य पहाडी भू–भागका एक/दुई स्थानमा अपरान्हपछि मेघगर्जन, चट्याङ र हावाहुरी सहित क्षणिक वर्षाको सम्भावना रहेको छ ।

यस्तै, बिहीबार राति देशका पहाडी भू–भागमा आंशिक बदली रही बांकी भू–भागमा मौसम सामान्यतया सफा रहने पूर्वानुमानमा उल्लेख छ ।