अखबार नेपाल ट्रेन्डिङ

काठमाडौं: कोरोना भाइरसको महामारीका कारण विश्वभर ज्यान गुमाउनेको संख्या ६४ हजार ७ सय २९ पुगेको छ । अमेरिकामा विभिन्न तरिकाले बसोबास गर्दै आएका नेपालीमुलका अमेरिकी तथा नेपालीभाषी पनि कोरोनाको चपेटामा परेका छन् । अहिलेसम्म नेपालीमूलका एकजनाको निधन भएको छ भने करिव पाँच सय कोरोना भाइरसबाट सङ्क्रमित भएको जनाइएको छ तर यसको स्वतन्त्ररूपमा पुष्टि हुन सकेको छैन । अमेरिकामा रहेको नेपाली दूतावासले नेपालीलाई कुनै समस्या परेको खण्डमा सम्पर्क गर्न भन्दै विभिन्न टेलिफोन नम्बर दिएको छ भने दूतावासको वेबसाइटमा एउटा फर्म समेत राखिएको छ ।

यसैबीच अमेरिकामा एकै दिन एक हजार ४८ जनाको मृत्यु भएको छ । अमेरिकामा मृत्यु हुनेको संख्या आठ हजार चार सय ५२ पुगेको छ । त्यस्तै त्यहाँ ३ लाख ८ हजार ५ सय ३३ जनामा कोरोना संक्रमण देखिएको छ । आइतबार बिहानसम्मको तथ्यांक अनुसार, अमेरिकापछि स्पेनमा संक्रमणदर उच्च देखिएको छ । स्पेनमा १ लाख २६ हजार १ सय ६८ मा कोरोना संक्रमण पुष्टि भएको छ ।

इटालीमा १ लाख २४ हजार ६ सय ३२ जनामा कोरोना संक्रमण पुष्टि भएको छ । कोरोना भाइरसबाट १२ लाख भन्दा बढी मानिस कोरोना भाइरसबाट संक्रमित भएका छन् । त्यस्तै, २ लाख ४६ हजार ६ सय ३८ जना उपचारपछि निको भएका छन् ।