अखबार नेपाल ट्रेन्डिङ

काठमाडौं: कोरोना भाइरस संक्रमण रोकथाम तथा नियन्त्रणका लागि उच्चस्तरीय समितिको बैठकले नेपाल-भारत सिमा नाकामा रोकिएका नेपाली नागरिकलाई नेपाल प्रवेश गर्न दिने निर्णय गरेको छ । सिहदरवारस्थित प्रधानमन्त्रीको कार्यालयमा मंगलबार बसेको बैठकले यस्तो निर्णय गरेको हो ।

समितिका सदस्य, अर्थमन्त्री तथा सञ्चा्रमन्त्री डा. युवराज खतिवडाले बैठकपछि आयोजित पत्रकार सम्मेलनमा यस्तो जानकारी दिएका हुन् । ‘भारतबाट आएका नेपालीहरु पूर्वदेखि पश्चिामसम्मको सीमाक्षेत्रमा जम्मा भएको हामीले जानकारी पाएका छौं’, खतिवडाले भने, ‘अहिलेलाई पश्चिमदेखि पूर्वसम्मकाका नाकामा जम्मा भएकाल नेपालीलाई आज अन्तिम पटक देशमा छिर्ने मौका दिएका छौं ।’ तर सीमाबाट नेपाल प्रवेश गर्ने नेपालीले अनिवार्य १४ दिन क्वाारेन्टाइनमा बस्नैा पर्ने खतिवडाले बताए ।

बैठकमा लकडाउनपछिको अवस्थाका बारेमा समग्रमा विश्लेषण पनि भएको बताइएको छ । बैठकमा स्वास्थ्य उपकारणहरु ल्याउन नीजि क्षेत्रलाई आह्वान गर्ने र कोषहरु स्थापनाका बारेमा सवै संस्थाहरुले सरकारी कोषमा रकम जम्मा गर्न आह्वान गर्ने व्यवस्था गरेको छ । त्यस्तै कसैले कोष बनाएमा जुन संस्थाले बनाएको कोष हो त्यस संस्थाका व्यक्तिहरुबाट मात्रै रकम संकलन गर्न र प्रत्येका साता जम्मा भएको रकम सरकारी कोषमा दाखिला गर्नुपर्ने निर्णय पनि सरकारले गरेको छ ।