अखबार नेपाल ट्रेन्डिङ

एजेन्सीः युभेन्टस तथा अर्जेन्टिनाका स्टार स्ट्राइकर पाउलो डिबाला र इटालीको राष्ट्रिय टिमका पूर्व कप्तान पाओलो माल्दिनीलाई कोरोना भाइरसको संक्रमण भएको छ । डिबालासँगै इटालीको राष्ट्रिय टिमका पूर्व कप्तान पाओलो माल्दिनीलाई पनि कोरोना भाइरसको संक्रमण भएको पुष्टि भएको छ ।

सिरी ए क्लब एसि मिलानमा प्राविधिक निर्देशक माल्दिनी र उनका छोरा ड्यानियललाई पनि कोरोनाको पुष्टि भईसेकेको छ । दुबैको सवस्थ्य अवस्था सहज रहेको क्लबले बताएको छ । ड्यानियल मिलानबाट खेल्नका लागि प्रशिक्षणमा रहँदै आएका थिए । यसअघि युभेन्टसका सेन्टर ब्याक डानिएले रुगानी र मिडफिल्डर ब्लेज माटुइडीलाई गएको हप्ता कोरोना भाइरसको संक्रमण रहेको पुष्टि भएको थियो । इटालीमा सबै आन्तरिक फुटबल गतिविधिहरु कम्तिमा आउँदो अप्रिल ३ सम्मका लागि स्थगित भएका छन् ।