अखबार नेपाल ट्रेन्डिङ

काठमाडौं: उपत्यकाका अधिकांश व्यापारिक मलहरु आइतबारदेखि बन्द भएका छन् । सरकारले अत्यावश्यक बाहेकका सबै क्षेत्र बन्द गर्न भनेपछि काठमाडौं उपत्याकका व्यापारिक मलहरु आइतबारदेखि बन्द भएका हुन् ।

काठमाडौंका सिभिल मल, विशाल बजार, पिपुल्स प्लाजा, काठमाडौं मल, रञ्जना ट्रेड सेन्टर लगायतका मलहरु बन्द भएका छन् । सिभिल मल व्यवसायी संघका अध्यक्ष रत्न घिमिरेले शनिबार औपचारिक निर्णय गरेर नै आइतबारदेखि सबै व्यवसाय बन्द गराइएको जानकारी दिए ।

विशाल बजार तथा रन्जना ट्रेड सेन्टर पनि आइतबारदेखि बन्द भएको छ । नेपाल राष्ट्रिय व्यवसायी महासंघका अध्यक्ष नरेश कटुवालले मलहरुका साथै न्यूरोड, महावौद्ध लगायतका क्षेत्रका होलसेल पसलहरु पनि बन्द भएको जानकारी दिएका छन् । महासंघमा आवद्ध माक्स लगायतका अत्यावश्यक बस्तुहरु उत्पादन गर्ने उद्योगहरु भने सञ्चालनमै रहने उनले जानकारी दिए । ।