अखबार नेपाल ट्रेन्डिङ

एजेन्सीः कोरोना भाईरसबाट संक्रमित रहेका स्पेनिस क्लब रियाल मड्रिडका पूर्व अध्यक्ष लोरेन्जो सान्जको मृत्यु भएको छ । सान्जको शनिबार उपचारको क्रममा मृत्युभएको उनका छोरा लोरेन्जो सान्ज डुरानले ट्वीटर मार्फत जानकारी गराएका हुन् । ७६ वर्षिय सान्जको अस्पतालमा कोरोना भाइरसको उपचारको क्रममा मृत्यु भएको हो ।

सान्जको अध्यक्षतामा रियाल मड्रिडले दुईपटक च्याम्पियन्स् लिगको उपाधि जित्न सफल भएको थियो । उनी सन् १९९५ देखि २००० सम्म क्लबको अध्यक्षको भुमिकामा रहेका थिए । सान्जले आफ्नो कार्यकालमा रोबर्टो कार्लोस, क्लारेन्स सिडोर्फ र डेवोर सुकेर जस्ता ठूला हस्ती खेलाडीलाई क्लबमा अनुबन्धन गरेका थिए ।

सान्जले सन् २००० मा भएको क्लबको निर्वाचनमा अध्यक्ष पदका लागि भएको मतदानमा फ्लोरेन्टिनो पेरेजसँग पराजित भएका थिए । सान्जका ४६ वर्षिय छोरा फर्नान्डोले रियालका लागि १९९६ देखि ९७ को सिजन खेलेका थिए । यसपछि उनले सात वर्ष मालागामा बिताएका थिए ।