अखबार नेपाल ट्रेन्डिङ

काठमाडौं: कृषि तथा पशुपन्छी विकासमन्त्री घनश्याम भुसालले नेपालको कृषि क्षेत्रलाई सुधार्न भन्दै पाँच आधार तयार गरेका छन् । मन्त्री भुसालले नेपालको कृषि क्षेत्रको सुधार गर्न किसानलाई न्यूनतम बचत हुने कृषि उत्पादन बचततर्फ पहलकदमी लिनुपर्छ भन्ने निष्कर्ष निकाल्दै नीतिगत आधारका रुपमा बिभिन्न पाँचवटा बुँदा उल्लेख गरेका छन् ।

मन्त्री भुसालले कृषि सुधार्ने आधार भनी दाबी गरेकामध्ये पहिलोः उत्पादन सामग्रीमा अनुदान दिने, दोस्रोः सबै किसानको घरदैलोमा प्राविधिक सेवा–टेवा, तेस्रोः सस्तो र सुलभ ऋण, चौथोः बाली तथा पशुपन्छी बीमा र पाँचौमा न्यूनतम बचतको ग्यारेन्टी गर्ने उल्लेख गरेका छन् ।

मन्त्री भुसालले कृषि क्षेत्रबाट उल्लेख्य नतिजा नाआएको र जनतामा आकर्षण घटेको भन्दै मन्त्रालय बलियो हुनुपर्ने तथा कर्मचारीतन्त्र हाकिम खुशी पार्नेतर्फ उन्मुख नभई अब प्रदेश र स्थानीय तहसँग मिलेर कृषि नीति तयार पारिएको नितिगत आधारहरुको कार्यान्वयन र अभ्यासको नेतृत्व संघीय, प्रादेशिक र स्थानीय सरकारले सहअस्तित्व, सहकार्य र समान्वयको आधारामा गर्नुपर्ने बताए ।