अखबार नेपाल ट्रेन्डिङ

सम्पुर्ण नेपालीमा मेरो हार्दिक नमन एबम् न्यानो जय नेपाल !

डिसेम्बर १९ देखि चाइनाको वुहान सहरबाट फैलिएको कोरोना कोभिड-१९ अहिले विश्वका २१० देशहरुमा फैलिसकेको छ । हाल यो भाईरस मानव जगतकै एतिहासिक महामारी बनिसकेको छ । नेपालमा पनि कोरोनाको संक्रमण ३१ पुगिसकेको छ । शैभाग्य मान्नुपर्छ कि नेपालमा कोरोना संक्रमणबाट कसैले ज्यान गुमाउनु परेको छैन । तर बिदेशमा भने नेपाली पनि यस महामारीका सिकार बनि सकेको अवस्था छ । छिमेकी देश भारत र चीनले ठूलो मनवीय क्षेती बेहोरी रहेका छ्न् । पछिल्लो समय चीनले यसलाई नियन्त्रण गरे पनि भारतमा भने भयावह स्थिति छ ।

नेपालमा पनि भारतको प्रभाव पर्ने हुँदा सरकारले देशका सबै नाका बन्द गरेको छ । देशभर पूर्ण रुपमा लकडाउन गरि लकडाउनको मिति पटक-पटक सारिरहेको छ । मन्त्रीपरिषदको बैठकबाट फेरि बैशाख १५ सम्म लकडाउन मिति बढाएको छ । बढाएको लकडाउनको मिति स्वागत योग्य छ । लकडाउनलाई हामीले पुर्ण पालना गरि आफू र अरुलाई सुरक्षित राख्न जरुरी छ ।

सरकारले गत बर्ष चैत ११ गते देखि डाउनको निर्णय घोषण गर्योक तर एक्कासी कुनै ब्यबस्थापन बिना नै लकडाउन गर्दा प्रधानमन्त्री ज्युलाई लकडाउन कहाँसम्म र कति समयसम्म गर्नुपर्ने स्थिति आउँछ भन्ने कुराको केही हेक्का नै भएन ।

तर सरकार लकडाउन मिति तय गर्न र बढउनमा मात्रै सिमित रह्यो । सम्माननिय प्रधानमन्त्री ज्यु निरीह हुनुभो, संकीर्ण हुनु भो, जिम्मेवार बिहिन हुनुभयो । प्रधानमन्त्री केपि ओली ज्यु र उहाँको दुई तिहाई सरकारलाई मैले यो संकटको बेला त्यसै यति ठूलो आरोप लगाईरहेको छैन । यसको पछाडि केहि कारण छ यथार्थता पनि छ ।

सरकारले गत बर्ष चैत ११ गते देखि डाउनको निर्णय घोषण गर्यो तर एक्कासी कुनै ब्यबस्थापन बिना नै लकडाउन गर्दा प्रधानमन्त्री ज्युलाई लकडाउन कहाँसम्म र कति समयसम्म गर्नुपर्ने स्थिति आउँछ भन्ने कुराको केही हेक्का नै भएन ।

यसरी गरिएको निर्णयले देशमा कोरोना भन्दा पहिले नै लकडाउन कै कारण भोकमरीको अवस्था सिर्जना भएर कैयौं गरिब जनताले भोक-भोकै देह त्याग्नुपर्ने स्थितको प्रधानमन्त्री ज्युले अनुमान पनि गर्नु भएन । उहाँले अनुमान लगाउन नसकेर, नबुजेर पनि होईन, उहाँ गरिबका निम्ति अन्धो भइसक्नु भो उहाँ गरिबलाई देख्नु नै हुदैन । किन कि उहाँले अब आफू जस्तै सुकिला मुकिला, हुनेखानेलाई मात्रै देख्नु हुन्छ ।

सर्बहाराको नारा बेचेर आफू नेतृत्वमा पुगेको र दुई तिहाईको कम्युनिस्ट सरकार निर्माण गरेर आज तिनै सर्बहाराका निम्ति प्रधानमन्त्री र दुई तिहाईको यो सरकार अन्धो बनेको छ । आज तिनै सर्बहारा गरिब जनताको नाममा राजनीति गरेको यो सरकारले देखिरहेको छैन । हजारौं विद्यार्थीहरु, श्रमिकहरु, दैनिक ज्यालादारहरु देश्को राजधानी र मुख्य मुख्य सहर अलपत्र छन् ।

देशमा लकडाउन हुँदा यस्ता निम्न वर्गका जनताहरु परिवार भन्दा टाढाको सहरमा भएकाले उनीहरुमा पर्ने प्रभावको अवस्था नै भएन प्रधानमन्त्री ज्युलाई । आज उनीहरुसँग खाना पकाउ ग्यास छैन, खाद्यान्न सामग्री छैन, बस्नका लागि घरभाडा दिने पैसा छैन । सरकारले घरभाडा नलिन आग्रह गरेपनि घरबेटीहरुले पर्याप्त भाडा लिरहेका छन् । यति मात्रै नभएर सडक पेटीमा सम्म बस्ने स्थित छैन, सडकबाट सुरक्षाकर्मीहरुले लखेटिरहेका छ्न् ।

अब भन्नुहोस् प्रधानमन्त्री ज्यु कहाँ जाने ती अलपत्र नागरिक ?

दु:खका साथ भन्दै छु, शक्तिशाली सम्माननीय प्रधानमन्त्री केपी ओलीज्यु तपाई मानवजाति कै एक भवना रहित ब्यक्ति हुनुहुदोरहेछ । साँच्चिकै भन्ने हो भने तपाई नेपालको राजनीतिक परिवेशमा उत्ताउलो पात्र हुनुहुदोरहेछ । जनतालाई उखान, टुक्का, गजल, कविताबाट उत्तेजित गरि भ्रममा पारेर जनता झुक्याउदै सत्ता कब्जा गर्ने निच, अहंकारी, तानाशाही प्रबृत्तिको हुनुहुँदो रहेछ ।

तपाईंका ती अभिव्यक्ति कति तुच्छ रहेछन् `जनतालाई घर घरमा बसी बसी खान दिनेछु, बसी बसी लाउन दिने छु जस्ता तपाईंका अभिव्यक्ति केवल भाषण मात्रै सुनिए । यदि साँच्चै अभिव्यक्तिलाई व्यवहारमा उतार्न चाहनुहुन्छ भने ती अलपत्र रहेका नागरिक र गरिब दिन दु:खी जनताको नैसर्गिक अधिकार गाँस, बास, कपासको जोहो गरि दिनुस् । अब नियत फेर्नुस् यो महामारीको बेला स्वास्थ सामाग्रीमा भैइरहेको भ्रष्टाचारी चिनी दिनुस्, आफ्नै पर्यो भनेर अँखा नचिम्लाउनुस, जिम्मेवार बन्नुस ।

जनता रहे, देश रहने हो, देश रहे पो प्रधानमन्त्री पनि रहने !

हामी आम जनता पनि सचेत नागरिक बनौ,
घरमै बसौ, बाहिर निस्कने अति आवश्यक काम परे,
मास्क लगाएर, समाजिक दुरी कायम गरि काम गरौ !
आफू बाँचौ अरुलाई नि बचाउ !

प्रार्थना गरौ पशुपतिनाथसँग संसारलाई नै चाडै छुटकारा मिलोस यो कोरोना भाईरस “कोभिड-१९” बाट !!

मानव जिवनको जित होस् !!!

(लेखक नेपाल विद्यार्थी संघ शंकरदेव क्याम्पसका नेता एवम् निवर्तमान जिल्ला सदस्य)