अखबार नेपाल ट्रेन्डिङ

एजेन्सीः कोरोना भाईरसका कारण भारतीय आई लिग रद्ध गरिएको छ । कोरोना संक्रमणबाट बच्न भारतमा देशभर जारी रहेको लकडाउनका कारण आईलिगका बाँकी खेललाई रद्ध गर्दै मोहन बगानलाई नयाँ च्याम्पियन घोषणा गर्न सिफारिस गरिएको हो ।

आई लिग कमिटिको शनिबार बसेको बैठकले लिग पुन सुरु नगर्न र मोहन बगानलाई च्याम्पियन बनाउन निर्णय गर्दै भारतीय फुटबल महासंघ (एआईएफएफ)लाई पत्र लेखेको छ । कोरोनाका कारण भारतमा लकडाउन मे ३ सम्म लागु हुनेछ ।

मोहन बगानले चार चरणको खेल अगाडिनै उपाधि आफ्नो नाममा लेखाएको हो । सरकारी निर्देशन अनुसार मार्च १४ सम्म लिग स्थगित गरिएको थियो । लिग अगाडि मोहन बगानको १६ खेलबाट ३९ अंक जोडेको थियो । ईस्ट बंगाल र मिनरवा पञ्जावको समान २३ अंक रहेको थियो । रियल कश्मीरको २२ अंक रहेको थियो ।

‘लिगको शीर्ष स्थानको मोहन बगानको ३९ अंक रहेको छ । जसले अन्य टिम भन्दा मोहन बगानको अंकको अन्तर धेरै नै छ । यदि म्याच खेलेको अवस्थामा समेत मोहन बगान नै अगाडि हुन्छ ।’ लिग कमिटिले भनेको छ । कमिटिले यस सिजन कुनैपनि टिमलाई रेलिगेशनमा नझार्न सिफारिस गरेको छ ।

लिग कमिटिका अध्यक्ष तथा भारतीय फुटबल महासंघ एआईएफएफका उपाध्यक्ष सुब्रत दत्तको अध्यक्षतामा शनिबार लिग कमिटिको बैठक बसेको थियो । कमिटिले निर्णयले आईजोल एफसी र नेरोका एफसीलाई भने राहत मिलेको छ । समितिले विभिन्न युवा लिगलाई समेत रद्ध गर्न सिफारिस गरेको छ ।