अखबार नेपाल ट्रेन्डिङ

कञ्चनपुर: कञ्चनपुरको सिमा नाका गड्डाचौकीमा गएरातीदेखि बन्द भएको छ । भोलीदेखि भारतमा हुन लागेको लोकसभा चुनावका लागि भारतसँग सिमानाका जोडिएका अन्य नाकाहरु पश्चिमी नाका गड्डाचौकी पनि लगभग ४५ घण्टाका लागि बन्द हुने भएको हो ।

भारतको उत्तराखण्डसँग सिमा जोडिएको गड्डाचौकी नाकामा मंगलबार राती १२ बजे बाट विहिबार राती ९ बजेसम्म सवारीसाधन तथा यात्रुहरुको आवतजावतमा रोक लगाईएको जिल्ला प्रशासन कार्यालय कञ्चनपुरले जनाएको छ । सिमा नाकामा विरामी बोकेको निजि तथा सार्वजनीक सवारीसाधन वाहेक अन्य सवारीसाधन तथा यात्रुको आवतजावतमा रोक लगाईने निर्णय भएको प्रमुख जिल्ला अधिकारी सुशील बैद्यले बताए ।

पोखरामा हुने नेपाली कांग्रेस जिल्ला कोषाध्यक्षहरुको तेस्रो राष्ट्रिय सम्मेलनको तयारी पूरा
पोखरा: नेपाली कांग्रेसका जिल्ला कोषाध्यक्षहरुको पोखरामा हुने तेस्रो राष्ट्रिय सम्मेलनको तयारी पूरा भएको छ । पोखरामा हिजो पत्रकार सम्मेलन गरी चैत्र २८ र २९ हुने सम्मेलनको तयारी पूरा भएको जनाएको हो । सम्मेलनको उद्घाटनसत्र चैत्र २८ गते पोखरा सभागृहमा हुनेछ ।

उद्घाटन सत्रलाई पार्टीका सभापति एवं पूर्वप्रधानमन्त्री शेरबहादुर देउवा, बरिष्ठ नेता रामचन्द्र पौडेल सहित शीर्ष नेताहरुले सम्वोधन गर्ने जनाइएको छ । पार्टीलाई चलायमान र सुदृढिकरण बनाउने उद्देश्यले सम्मेलन गर्न लागिएको नेपाली काँग्रेस जिल्ला कोषाध्यक्षहरुको राष्ट्रिय कार्यसमितिका अध्यक्ष गोविन्द पुडासैनीले जानकारी दिए । सम्मेलनले पार्टीलाई गुट उपगुट अन्त्य गरी एक ढिक्काका साथ अघि बढ्न दबाबमूलक सुझाव दिने पुडासैनीको भनाई छ ।

सम्मेलनले विदेश पलायन युवाहरुलाई स्वदेशमा नै रोजगारीको व्यवस्था गर्न सरकारलाई दबाब दिने र भातृ तथा शुभेच्छुक संस्थालाई महाधिवेशनमार्फत अघि बढाउन पार्टीलाई दबाब दिने बताइएको छ । त्यस्तै, सम्मेलनले सरकारका गतिविधि चित्तबुझ्दो नभएकाले देशव्यापी विरोधका कार्यक्रम संचालन गर्नका लागि केन्द्रलाई आग्रह समेत गर्ने र कास्की क्षेत्र नं २ सहित रिक्त स्थानमा निर्वाचन गराउन सरकारलाई दबाव दिने तयारी छ ।