अखबार नेपाल ट्रेन्डिङ

काठमाडौं: प्रमुख प्रतिपक्षी दल नेपाली कांग्रेसले सत्तारुढ दल नेकपाले प्रस्तावित गरेका सभामुखका उम्मेदवार अग्नि सापकोटाप्रति आपत्ति जनाएको छ । अदालतमा विचाराधिन मुद्दा कायम रहेकै अवस्थामा नेकपाले सभामुखमा सापकोटालाई उम्मेदवार बनाएपछि कांग्रेस प्रवक्ता विश्वप्रकाश शर्माले विरोध गरेका हुन् ।

प्रवक्ता शर्मा समाजिक सञ्जाल ट्वीटरमा नेकपालाई नै विचाराधिन मुद्दामा उन्मुक्ति दिने अधिकार कसरी प्राप्त भयो ? भनी प्रश्न गरेका छन् । शर्माले नेकपालाई प्रश्न गर्छन्, ‘सत्य निरूपणको टेबुलमा थियो त अलग कुरा अन्यथा अदालतमा विचाराधिन मुद्दामा के उन्मुक्ति दिने अधिकार राख्ने थलो हुन् राजनैतिक दल या संसद?’ उचित व्यक्ति छनोट नभए पदको गरिमा नै धरापमा पर्ने प्रवक्ता शर्माले सुझाएका छन् । सभामुखमा फरक गरिमा, सालिनता र सन्तुलनको संस्कारगत छवीसमेत अनुभूति हुनुपर्ने व्यक्ति हुनपर्ने शर्माको जिकिर छ ।