अखबार नेपाल ट्रेन्डिङ

काठमाडौः महानगरीय प्रहरी वृत्त गौशाला र काठमाडौं महानगरपालिका वडा नम्बर ७, ८ र ९ यो सहकार्यमा समुदाय-प्रहरी साझेदारी कार्यक्रम सम्पन्न भएको छ । गोल्डेन लाइट पार्टी प्यालेस मित्रपार्कमा सम्पन्न सुरक्षा सुदृढीकरण सम्बन्धी अन्तरक्रिया तथा जनचेतनामूलक कार्यक्रम सम्पन्न भएको हो ।

अहोरात्र खटिने राज्य संयन्त्रका कर्मचारी वा सुरक्षा निकायका कर्मचारीहरूले इमान्दारीपुर्वक निष्पक्ष भएर समान रूपमा पारदर्शी ढंङगले कानूनको अधिनमा रहेर जनतालाई दिने सेवा प्रवाहलाई प्रभावकारी बनाएमा विकास र समृद्द आउने र नेपाल सरकारले लिएको लक्ष्य पुरा हुने प्रहरी नायव महानिरीक्षक विश्वराज पोखरेलले बताए । महानगरीय प्रहरी वृत्त गौशला, सामुदायिक सेवा केन्द्र चावहिलले शुक्रबार मित्रपार्क चावहिलमा गरेको सुरक्षा सुदृढीकरण सम्बन्धी अन्तरक्रिया तथा जनचेतनामुलक कार्यक्रममा उठेका जिज्ञासाहरूको जवाफ दिदै पोखरेलले सो कुरा बताएका हुन ।

कार्यक्रममा बोल्दै पोखरेल उपत्यकाको कमाण्ड सम्हालेदेखिनै आफ्नो पहिलो प्राथामिकता भनेको आर्थिक अनियमितता, भ्रष्ट्राचारमुक्त प्रहरी सेवा हो जुन झुपडी र महलको सेवाग्राही आउदा एउटै सेवा प्राप्त गर्ने छन् अलग अलग सेवा प्रवाह गर्ने हो भने कहिले पनी सुशासन कायम नहुने जिकिर गरे । आफ्ना आफन्तबाट नै धेरै घटनाहरू घटेको स्मरण गराउँदै सुरक्षित समाज निर्माणको लागि सबैको सहयोग र सहकार्यको आवश्यकता पर्ने बताउँदै प्रहरी समुदाय साझेदारी कार्यक्रम मार्फत नागरीकहरूसँग अझ नजिक हुने हुनाले कुनै घटनाको जानकारी तुरून्तै प्रहरीलाई दिन आग्रह समेत गरे ।

सामुदायिक सेवा केन्द्र चावहिलका अध्यक्ष उध्दव प्रसाद वडालको अध्यक्षता सम्पन्न उक्त कार्यक्रममा सामुदायिक सेवा केन्द्र चावहिलका महासचिव आशिष श्रेष्ठले स्वागत मन्तब्य राखेका थिए ।