अखबार नेपाल ट्रेन्डिङ

काठमाडौं: युएन मिसनको परीक्षाका लागि तयार पारिएको प्रश्नपत्र आउट भएपछि त्यसले प्रहरी मुख्यलय हेडक्वार्टरमा हंगामा भएको छ  ।

प्रहरी प्रधान कार्यालयबाटै प्रश्नपत्र चोरी भएको घटना सार्वजनिक भएपछि त्यसले अहिले प्रहरी प्रधान कार्यालय परिसरमा हंगामा भएको हो  ।

प्रहरी प्रधान कार्यालयको युन शाखाले लिएको युएन शान्ति मिसनको परीक्षाको प्रश्नपत्र बाहिरिएपछि प्रहरीको सुरक्षा संयन्त्रमाथि नै प्रश्न समेत उठेको छ ।

गत शुक्रबार र शनिवार दुई चरणमा परीक्षा लिन लागिएको थियो । प्रहरी जवानदेखि एसएसपीसम्मको परीक्षा लिइएको थियो । शनिवार बिहान लिन लागिएको परीक्षा अगावै प्रश्नपत्र बाहिरिएको हो ।

प्रश्नपत्र चोरी भएर लिक भएको थाहा पाए लगत्तै अपराध अनुसन्धान विभागले परीक्षा रद्द गरेर नयाँ प्रश्नपत्र बनाई परीक्षा लिएको थियो ।

युएन मिसनका लागि २३ सय जना परीक्षार्थी सहभागी थिए ।

परीक्षा अगावै प्रश्नपत्र लिक भएको थाहा पाएलगत्तै नयाँ प्रश्नपत्र बनाएर परीक्षा लिएको प्रहरी प्रवक्ता एसएसपी वसन्त कुँवरले बताए  ।

प्रहरीको अनुसन्धानबाट युएन शाखामा कार्यरत कार्यालय सहयोगीले प्रश्नपत्र निकालेको खुलेको छ ।

उक्त घटना लगत्तै प्रधान कार्यालयले छानविन समिति गठन गरेको छ । प्रधान कार्यालयका प्रहरी नायब महानिरीक्षक वसन्तकुमार लामाको नेतृत्वमा छानविन समिति बनाएको हो ।

मंगलबार गठित छानविन समितिमा एसएसपी, एसपी, डिएसपी र इन्सपेक्टर सदस्य छन् ।

प्रश्नपत्र चोरीका विषयमा छानविन अगाडी बढाईसकेको डीआइजी लामाले जानकारी दिए ।

कोरोना विरुद्धको दोस्रो मात्राको भेरोसेल खोप शुक्रबारदेखि दिईदै