अखबार नेपाल ट्रेन्डिङ

काठमाडौं: राष्ट्रपति विद्यादेवी भण्डारीले पुस १७ गतेका लागि राष्ट्रियसभाको अधिवेशन आह्वान गरेकी छन् ।

शुक्रबार बसेको मन्त्रिपरिषद् बैठकले राष्ट्रियसभाको अधिवेशन पुस १७ गतेका लागि आह्वान गर्न राष्ट्रपतिलाई सिफारिस गर्ने निर्णय गरेको थियो ।

शुक्रबार मन्त्रिपरिषद् हेरफेरपछि बसेको पहिलो बैठकले यस्तो निर्णय गरेको थियो ।

चल्दाचल्दैको नियमित अधिवेशन प्रधानमन्त्री केपी शर्मा ओलीले असार १८ गते अन्त्य गर्न राष्ट्रपतिलाई सिफारिस गरेका थिए ।

मन्त्रिपरिषदको सिफारिस अनुसार राष्ट्रपति विद्यादेवी भण्डारीले सोही दिनबाट दुवै सदनको अधिवेशन अन्त्य गरिदिएकी थिइन् ।

प्रधानमन्त्री ओलीले दल विभाजन सम्बन्धी अध्यादेश ल्याउन संसद् अधिवेशन अन्त्य गरेको भन्दै तीव्र आलोचना भएको थियो ।

संसद्माी दुई दर्जन विधयेक विचाराधीन अवस्थामा रहेकै बेला प्रधानमन्त्री ओलीले एक्कासी संसद् अधिवेशन अन्त्य गराएका थिए ।

यसैबीच सरकारले प्रतिनिधिसभा विघटन गरेको छ भने राष्ट्रियसभा मात्रै अब सञ्चालन हुनेछ ।