अखबार नेपाल ट्रेन्डिङ

काठमाडौं: काठमाडौं उपत्यकामा आज विहानैबाट पानी परेको छ । जल तथा मौसम पूर्वानुमान महाशाखाले बुधबारसम्म पानी पर्ने सम्भावना रहेको जनाएको छ ।

महाशाखाका अनुसार आज दिउँसो देशका अधिकांश स्थानहरूमा सामान्यदेखि पूर्ण बदली रहि पहाडी भू-भागहरूमा केहि स्थानहरुमा मेघ गर्जन सहितको हल्का वर्षाको संभावना रहेक बताएको छ । उच्च पहाडी र हिमाली क्षेत्रहरूमा हल्का हिमपातको सम्भावना छ ।

त्यस्तै मंगलबार राती देशको मध्य र पुर्वी पहाडी भू-भागहरुमा आंशिक देखि सामान्य बदली रहनेछ भने पश्चिमी भु-भागहरुमाआंशिक बदली हुने देखिन्छ । मध्य र पुर्वी पहाडी भेगका एक दुइ स्थानहरुमा मेघ गर्जन सहितको छिटपुट देखि हल्का वर्षाको सम्भावना रहेको महाशाखाले जनाएको छ ।

त्यसैगरी बुधबार दिउँसो पनि देशको पूर्वी भू-भागमा र अन्य पहाडी भू-भागहरुमा आंशिक बदली रही बाँकी भू-भागहरुको मौसम सामान्यतया सफा रहनेछ । पूर्वी भेगका एक दुइ स्थानहरुमा मेघ गर्जन सहितको छिटपुट वर्षाको सम्भावना रहेको मशाखाले जनाएको छ ।