अखबार नेपाल ट्रेन्डिङ

रामेछाप: रामेछापको उमाकुण्ड गाउँपालिका-६ गुप्तेश्वरमा शनिबार बिहान काठमाडौं जान लागेको बस ४:३० बजेतिर दुर्घटना हुँद दुई जना घाइते भएका छन् । अरनिको यातायातको बा ५ ख २८६ नम्बरको बस बसपार्कमा घुमाउने क्रममा ब्रेक फेल भएर करिव दुई सय मिटर तल खसेर दुर्घटना भएको भुजी फुटबल क्वबका अध्यक्ष शुभराज सुनुवारले जानकारी दिए ।

दुर्घटनामा परी बसका सहचालक रामेछापको लिखु तामाकोसी गाउँपालिका-१ केवल सुनुवार र बसमा रहेकी यात्रु उमाकुण्ड गाउँपालिका-६ गुप्तेश्वरकी फूलकुमारी सुनुवार घाइते भएको सुनुवारले जानकारी दिए । घाईतहरुको थप उपचारका लागि उमाकुण्ड गाउँपालिका अध्यक्ष शेरबहादुर सुनुवारको पहलमा हेलिकप्टरबाट काठमाडौ पठाउन लागेको अखबारनेपाल संवाददाता मणिराज लुखिचा सुनुवारले बताए ।