अखबार नेपाल ट्रेन्डिङ

काठमाडौं: सडक विभाग र नेपाली सेनाको सहयोगमा बेलिब्रिज तयार भएसँगै बाढीले बगाएको २५ दिनपछि सिन्धुली-रामेछापमा बेलिब्रिज सञ्चालनमा आएको छ ।

यात्रुवाहक सवारीसाधन गुड्न मिल्ने गरी पुलमा गाडी गुड्न थालेका हुन् । सडक विभागले हेटौंडाबाट ५ ट्रक बढी सामग्री सिन्धुली पुर्‍याएर बीपी राजमार्गसँग सम्बन्ध स्थापित गरेको छ । असोज ११ बाट आएको ठूलो वर्षाले बीपी राजमार्गसहितका सडकमा क्षति पुर्‍याएको थियो । रोशी खोलाले बगाएको बीपी राजमार्ग अस्थायी रुपमा दशैँअघि सुरु भएपनि रामेछाप र सिन्धुली जोड्ने बेलिब्रिज नहुँदा घुमेर हिँड्नुपर्ने बाध्यता थियो ।