अखबार नेपाल ट्रेन्डिङ

काठमाडौं: रामेछाप-काठमाडौं पत्रकार समाजले नवनियुक्त ऊर्जा, जलश्रोत तथा सिँचाइ राज्यमन्त्री पूर्णबहादुर तामाङ (कान्छाराम)लाई हार्दिक बधाई तथा शुभ-कामना दिएको छ ।

प्रधानमन्त्री केपी शर्मा ओलीको सिफारिसमा राष्ट्रपति रामचन्द्र पौडेलले शुक्रबार तामाङलाई राज्यमन्त्रीमा नियुक्त गरेकोमा शनिबार समाजका अध्यक्ष दिपेन्द्र गुरुङ, उपाध्यक्ष यसिमा महत, कोषाध्यक्ष दुर्गा खड्का सहित सदस्य घनश्याम श्रेष्ठ र सुबास मुखिया सुनुवार सहितको टोलीले समाजको तर्फबाट सफल कार्यकालको शुभ-कामना दिएका थिए ।

प्रधानमन्त्री ओलीको सिफारिसमा राष्ट्रपति पौडेलले शुक्रबार तामाङ सहित रुपा विक र अरुणकुमार चौधरीलाई पनि राज्यमन्त्रीमा नियुक्त गरेका थिए । विक वन तथा वातावरण राज्यमन्त्री र चौधरी संस्कृति, पर्यटन तथा नागरिक उड्डयन राज्यमन्त्रीमा नियुक्त भएका छन् ।

योसँगै प्रधानमन्त्री ओली नेतृत्वले २५ सदस्यीय मन्त्रिपरिषदको पूर्णता पाएको छ । संविधान अनुसार मन्त्रीपरिषदले यो भन्दा ठूलो बनाउन पाईदैन । ओलीले प्रधानमन्त्रीमा सपथ लिएको दिन असार ३१ गते २२ सदस्यीय मन्त्रीपरिषद् गठन भएको थियो ।