अखबार नेपाल ट्रेन्डिङ

रामेछाप: उमाकुण्ड गाउँपालिका स्वास्थ शाखाले उमाकुण्डको सञ्चालनमा आएको ७ वटा विद्यालयहरुलाई  पोषण दराज वितरण गरिएको छ ।

महांलगुर मावि उमाकुण्ड-१, सिदेश्वर मावि उमाकुण्ड-२, जनता मावि उमाकुण्ड-३, चण्डेश्वरी मावि उमाकुण्ड-४,  सरस्वती मावि उमाकुण्ड-५, कैलेश्वर मावि उमाकुण्ड-६ र कास्थेम मावि उमाकुण्ड-७ लाई पोषण दराज वितरण गरिएको स्वास्थ शाखा प्रमुख अभिजित सुनुवारले बताए ।

पोषण दराजबाट फलफुललाई किटानुबाट आक्रामक नहोस् भनि विद्यार्थीले स्वस्थ र सफा फलफूल खाना पाउन भन्ने उदेश्यले पोषण दराज वितरण गरिएको सुनुवारले बताए । दराजसँगै फलफूल पनि प्रत्येक विद्यालयलाई वितरण गरिएको थियो ।