अखबार नेपाल ट्रेन्डिङ

काठमाडौं: नव आगमन संरक्षक समाजको ५औ साधारण सभा सम्पन्न भएको छ । नेपाल प्रज्ञाप्रतिष्ठनमा एस.जि.सि.पि.का सिइओ शुशिलमान सिंह प्रधानले पानसमा बत्ति बालेर उद्घाटन गरेका थिए ।

उदघाटनको क्रममा समाजलाई शुभकामना दिँदै प्रधानले ‘यो संरक्षक समाजको नाम नै काफिछ यसले सम्पुर्ण अपाङता भएकाहरुको हेरचारमा खटिएका ब्यक्तिहरुको सवालमा वकालत गर्दै आएको र गरिरहने छ । यस संस्था अब काठमाण्डौ उपत्यकामा मात्र सिमित नरहेर बाहिर जिल्लामा पनि विस्तारको आबश्यकता रहेको छ । आबश्यक पर्ने जनचेतनाका कार्यक्रमहरु गर्नको लागि आवश्यक पर्ने प्राविधिक रुपमा सहयोग रहने छ यसरी बाहिर जानभन्दा पहिला आफू मानसिक तथा शारिरीक रुपमा तयार हुन जरुरी देखिन्छ ।’ प्रधानले नव आगमन संरक्षक समाजलाई आईपर्ने आर्थिक रुपमा पनि सहयोग गर्ने बचन सहित प्रतिबद्धता व्यक्त गरे । साधारणसभामा विशिष्ट अतिथिहरुले पनि शुभकामना दिएका थिए ।

साधारण सभाले नयाँ कार्यसमिति चयन पनि गरेको छ । जसमा अध्यक्षमा गोमादेवी अधिकारी, उपाध्यक्षमा शुशिला मल्ल, सचिवमा लक्ष्मी बस्नेत र कोषाध्यक्षमा प्रदीपकुमार श्रेष्ठ, सदस्यहरुमा सदस्यहरुमा निर्मला रावल, राजेन्द्र महर्जन, विना काफ्ले, अम्बिका खत्री माधुरी वैद्य अर्चना केसी श्रेष्ठ र ललिता न्यौपाने निर्विरोध निर्वाचित भएका थिए ।

प्रमुख निर्वाचन अधिकृत आभास प्रधानले निर्वाचित नयाँ कार्यसमितिको घोषणासँगै नव निर्वाचित पदाधिकारीहरुलाई निर्वाचन अधिकृत लुनि साक्यले प्रमाण पत्र वितरण गरेका थिए ।