अखबार नेपाल ट्रेन्डिङ

काठमाडौं: समाजवादी मोर्चाले सातै प्रदेशमा संयुक्त सभा गर्ने भएको छ । सोमबार नेकपा एकीकृत समाजवादी पार्टीको केन्द्रीय कार्यालय तिनकुनेमा समाजवादी मोर्चाको बैठकले सातै प्रदेशमा प्रदेशस्तरमा सभा गर्ने मिति तय गरेको छ ।

बैठकले भदौ ८ गते मधेशको वीरगञ्जमा, भदौ १२ गते लुम्बिनीको बुटवलमा, भदौ १३ गते सुदूरपश्चिमको धनगढीमा, भदौ १४ कर्णालीको सुर्खेतमा, भदौ १५ गते गण्डकीको पोखरामा, भदौ २३ गते बागमतीको हेटौंडामा, भदौ २५ गते कोसीको विरानगरमा सन्देश सभाको आयोजना हुने भएको छ ।

उक्त दिन प्रदेश मोर्चा गठन समेत हुने भएको छ । प्रदेशमा पनि छुट्टाछुट्टै संयोजक तोकिनेछ । मोर्चामा सरकारमा रहेका नेकपा माओवादी केन्द्र, जनता समाजवादी पार्टी, नेकपा एकीकृत समाजवादी र विप्लव नेतृत्वको नेकपा रहेका छन् ।