अखबार नेपाल ट्रेन्डिङ

काठमाडौं: केही दिनदेखि बदली भैरहेको मौसम आज पनि देशका अधिकांश स्थानमा बदली भई वर्षा हुने देखिएको छ । अहिले देशभर मौसम बदलि भई केहि स्थानहरुमा मेघ गर्जन सहित वर्षा भईरहेको छ ।

आज पनि देशभरि आंशिकदेखि सामान्य मौसम बदली रही केहि स्थानहरुमा मध्यान्ह पछि मेघ गर्जन सहित वर्षा हुने सम्भावना रहेको छ । जल तथा मौसम पूर्वानुमान महाशाखाले जारी गरेको पूर्वानुमान अनुसार आगामी तीन दिन देशभरको मौसम बदलीभै देशको पश्चिमी र पूर्वी पहाडी भूभागका केही स्थानहरुमा भारी वर्षाको सम्भावना समेत रहेको जनाएको छ ।

त्यसैगरी आगामी २४ घण्टाका लागि चेतावनी दिँदै बिभागले देशका केहि स्थानमा मेघ गर्जन सहित वर्षाको सम्भावना भएकोले सतर्कता अपनाउन अनुरोध गरेको छ ।