अखबार नेपाल ट्रेन्डिङ

झापा: झापा क्षेत्र नम्बर ३ बाट राप्रपाका अध्यक्ष राजेन्द्रप्रसाद लिङदेनले नेपाली कांग्रेसका नेता कृष्णप्रसाद सिटौलालाई हराउँदै प्रतिनिधिसभा सदस्यमा विजयी भएका छन् ।

एमालेसँग चुनावी तालमेल गरी उम्मेदवार बनेका लिङदेनले नेपाली कांग्रेसका नेता सिटौलालाई ३ हजार २७६ मतान्तरले हराएका हुन् । सिटौला सत्तारूढ गठबन्धनका साझा उम्मेदवार थिए ।

लिङदेनले ४० हजार ६४८ मत ल्याएकोमा सिटौलाले ३७ हजार ३७२ मत प्राप्त गरेका छन् । दुई पटक लिङदेन र दुई पटक सिटौलाले जिते छन् ।

यस क्षेत्रमा १ लाख ३१ हजार ४३२ मतदाता रहेकोमा ८९ हजार ६३७ मत खसेको थियो ।