अखबार नेपाल ट्रेन्डिङ

ओखलढुंगा: ओखलढुंगास्थित खिजीदेम्बा गाउँपालिका वडा नम्बर ४ का पूर्व अध्यक्षले घर नै नबनाएकालाई तेस्रो किस्ता भुक्तानीका लागि सिफारिस दिएको खुलासा भएको छ ।

पूर्व वडा अध्यक्ष कमलप्रसाद न्यौपानेले घरको जग समेत नबनाएका आफ्नै सहोदर भाइ पूर्णप्रसाद न्यौपानेलाई तेस्रो किस्ताका लागि सिफारिस दिएको पाइएको छ ।

न्यौपानेले घर निर्माण त परै जाहोस् जग समेत खनेका छैनन् । तर उनले भुकम्प पीडित राहतको पहिलो र दोस्रो किस्ता प्राप्त गरी तेस्रो किस्ताका लागि सिफारिस समेत पाइसकेका छन् । उनले उक्त सुविधा आफ्ना दाजु वडाध्यक्ष भएकै कारणले पाएका हुन् ।

सञ्चारकर्मी समेत रहेका न्यौपानेलाई यो सुविधा लिनका लागि आवश्यक नै नरहेको गाउँहरु बताउँछन् । गाउँलेहरुका अनुसार उनी वास्तविक पीडित पनि होइनन् । न्यौपाने परिवारको अंशवण्डा पनि नभएको एक गाउँलेले बताए ।

तर यहि वडामा घर सम्पन्न गरेर पनि तेस्रो किस्ताका लागि वडा चक्करमा घुमिरेहका केही व्यक्तिहरु छन् ती मध्येका एकले पूर्व वडा अध्यक्षले व्यक्ति हेरेर काम गर्ने गरेको गुनासो गरे । ‘हामीले काम सम्पन्न गरि सक्दा पनि यो मिलेन त्यो मिलेन भनेर सिफारिस पाइएन’ नाम उल्लेख नगर्ने सर्तमा ति पीडितले भने, ‘उनका भाइले भने घर निर्माणको एक सिन्को नभाची रकम लिइरहेका रहेछन् ।’ पूर्ववडाध्यक्षका भाइले भने सजिलैसँग यो सुविधा पाउनुलाई सानालाई ऐन पहुँचवालालाई चैन भने झैं भएको उनले सुनाए ।

जानीजानी गल्ती गर्नेलाई कानुन बमोजिम कडा कारवाही हुनुपर्ने गाउँलेहरुको माग छ । न्यौपानेले भुकम्प पीडितको दोस्रो किस्ता लिइसकेकाले गाउँलेहरु भने घरै नबनाई कसरी पाए भनेर तीन छक्क परेका छन् ।

प्रमाणित कागजातहरुः