अखबार नेपाल ट्रेन्डिङ

काठमाडौं: आफूलाई धर्मको कट्टर बिरोधी मान्ने कम्युनिष्टहरुले यी र यस्ता कुरालाई खासै मान्यता दिदैन । तर नेपालमा यस्तो विरलै हुने गरेको देखिन्छ ।

केही समय आफ्नो लोकप्रियताका लागि बिरोधका लागि बिरोध गरेजस्तो गर्ने देखिएपनि अन्तिममा त्यही संस्कार र संस्कृति नै अवलम्वन गर्ने गरिएको देखिएको छ ।

केही वर्ष पहिले माओवादी केन्द्रका अध्यक्ष पुष्पकमल दाहाल ‘प्रचण्ड’ले भैसी पुजा गरेका थिए । उनले अहिले फेरी आएर त्यही संस्कार र संस्कृतिलाई नै आफ्नो चुनावी अभियान बनाएका छन् ।

२०७९ साल बैशाख ३० गते स्थानीय तहको निर्वाचन मिति तय भएको छ । निर्वाचन आयोगले पनि त्यही अनुसार आफ्नो कामलाई तीब्रता दिएको छ र राजनीतिक दलहरुले चुनावी अभियानलाई विभिन्न तरिकाले अगाडी बढाएका छन् ।

यस्तैमा माओवादी केन्द्रले भने ज्योतिष, धामी झाक्री र पाष्टरलाई प्रयोग गर्ने रणनीति तयार गरेको छ । त्यही अनुसार आफ्ना तल्लो कमिटीलाई प्रत्राचार समेत गरेको छ ।

माओवादी केन्द्रले वडा स्तर र गाउँ स्तरमा ज्यातिष, धामी झाक्री र पाष्टरलाई परिचालन गर्नका लागि मातहतका कमिटीलाई निर्देशन समेत दिएको छ ।

समाजमा भनेको मान्ने र लागू हुने हुँदा पार्टीले त्यस्तो नीति अवलम्बन गरेको देख्न सकिन्छ । उसले गाउँमा रहेका चल्तापुर्ता मान्छेलाई चाहेको माग दिने र परेको समस्या समाधानका लागि भूमिका खेल्न समेत तल्लो कमिटीलाई निर्देशन दिएको छ ।