अखबार नेपाल ट्रेन्डिङ

काठमाडौं: गत बुधबार जेब्रा झोलामा भेटिएको शब भर्खर विदेशबाट आएका दिनेश सिग्देलको भएको पत्ता लागेको  छ ।

उनी झापा दमकका रहेको र उनको हत्या आशंकामा तीन जनालाई प्रहरीले पक्राउ गरेको छ ।

धरानको भेडेटारस्थित जंगलमा दुई वटा जेब्रा झोलामा एउटामा टाउको र खुट्टा र अर्कोमा हात र शरीर फेला परेको थियो ।

उक्त घटनामा अनुसन्धान गर्दै जाँदा मृत सिग्देल  रहेको प्रहरीले पत्ता लगाएको हो ।

इलाका प्रहरी कार्यालय धरानका डीएसपी नरेन्द्र कुँवरका अनुसार शंकास्पद तीन जनालाई पक्राउ गरेर अनुसन्धान थालिएको छ ।

तर पक्राउ परेका व्यक्तिको परिचय भने खुलाइएको छैन । उनीहरुलाई पत्रकार सम्मेलन गरी सार्वजनिक गर्ने तयारी प्रहरीले गरेको छ ।

प्रहरीका अनुसार सिग्देल बहराइनबाट २० पुसमा नेपाल फर्किएका थिए ।

काठमाडौंबाट उनी सिधै विराटनगरस्थित कान्छी श्रीमती कहाँ गएको प्रहरी बताउँछ ।

त्यसैले पारिवारिक समस्या कारण उनको हत्या भएको हुनसक्ने आशंका  प्रहरीले गरेको छ ।

विस्तृत अनुसन्धानपछि पत्ता लाग्ने प्रहरीले बताएको छ ।