अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशन अन्तर्गत प्रदेश नम्बर २ को अधिवेशन आजदेखि सुरु हुने भएको छ ।

विवादका कारण रोकिएको प्रदेश अधिवेशन  केन्द्रीय महाधिवेशनपछि हुन लागेको हो ।

जिल्ला अधिवेशन समेत हुन सकेको छैन क्रियाशील सदस्यता विवाद र समयमै अधिवेशनहरू नहुँदा प्रदेश २ को अधिवेशन रोकिएको थियो ।

प्रदेश २ मा अधिवेशनले प्रदेश सभापति, उपसभापति, महामन्त्री, एक महिलासहित तीन सहमहामन्त्री र सदस्य चयन गर्नेछ ।

प्रदेशका भौतिक पूर्वाधार मन्त्रीसमेत रहेका संसदीय दलका नेता रामसरोज यादव र रौतहट कांग्रेसका पूर्वसभापति कृष्णा यादव प्रदेश सभापति पदका आकांक्षी छन् ।

महाधिवेशनको कार्यतालिका अनुसार आज उम्मेदवारको मनोनयन तथा बुधबार मतदान हुनेछ ।

सभापतिका आकांक्षी रामसरोज विमलेन्द्र निधिनिकट हुन् भने कृष्णा सभापति शेरबहादुर देउवानिकट मानिन्छन् ।

प्रदेश २ मा एक हजार ९ सय ८० मतदाता छन् ।