अखबार नेपाल ट्रेन्डिङ

एजेन्सीः म्यानचेस्टर युनाइटेड एफए कप फुटबलको क्वाटरफाइनलमा प्रवेश गरेको छ । बिहिबार राति भएको खेलमा डर्बी काउन्टीलाई ३-० गोल अन्तरले पराजित गर्दै युनाइटेडले क्वाटरफाइनलमा स्थानमा बनाएको हो ।

युनाइटेडको जितमा ओडिओन इघालोले दुई गोल तथा लुकशले एक गोल गरे । खेलको ३३औं मिनेटमा लुकशले गोल गर्दै युनाइटेडलाई अग्रता दिलाएका थिए । ४१औं मिनेटमा इघालोले गोल गर्दै युनाइटेडको अग्रता २-० को बनाए ।

खेलको ७० औं मिनेटमा इघालोले व्यक्तिगत दोस्रो गोल गर्दै युनाइटेडलाई ३-० को सहज जित दिलाए । युनाइटेडका लिजेण्ड वायन रुनी डर्बीबाट पूर्व क्लबविरुद्ध मैदान उत्रिएका थिए । अब युनाइटेडले क्वाटरफाइनलमा नर्विच सिटीसँग खेल्नेछ ।