अखबार नेपाल ट्रेन्डिङ

एजेन्सीः इटालियन सिरिए लिगमा युभेन्टस विजयी भएको छ । आईतबार राति भएको खेलमा रेलिगेसन जोनको ब्रेसियालाई २-० गोल अन्तरले हराउँदै युभेन्टसले अग्रता कायम राखेको हो । खेलको पहिलो हाफमै १० खेलाडीमा सिमित ब्रासियाविरुद्ध घरेलु टोलीलाई जित दिलाउनका लागि युभेन्टसका पाउलो डिबाला र हुवान क्वाड्राडोले गोल गरेका थिए ।

खेलको ३७औं मिनेटमा ब्रेसियाका फरवार्ड फ्लोरियन आई रातो कार्ड पाउँदै मैदानबाट बाहिरिएपछि पाहुना टोली १० खेलाडीमा सिमित बनेको थियो । खेलको ७५औैं मिनेटमा युभेन्टसका लागि हुवान क्वाड्राडोले ब्लेइस माटुइडीको पासमा गोल गर्दै अग्रता दोब्बर पारे । जितसँगै युभेन्टस ५७ अंक बनाउँदै शीर्ष स्थानमा फर्किएको छ ।

यसैबीच इन्टरमिलान लाजियोसँग पराजित हुँदा शीर्ष स्थानमा उक्लिने मौका गुमाएको छ । इन्टरमिलानले पहिलो हाफमा लिएको एक गोलको अग्रताविरुद्ध लाजियोले दोस्रो हाफमा दुई गोल गरेको थियो । जसका कारण इन्टरमिलानले लिगमा अग्रता लिने मौका गुमाएको थियो । लाजियो युभेन्टसभन्दा एक अंक पछि रहेर दोस्रो स्थानमा छ भने इन्टरमिलान ५४ अंक सहित तेस्रो स्थानमा छ ।।