अखबार नेपाल ट्रेन्डिङ

काठमाडौं: आईसीसी विश्व क्रिकेट लिग-२ अन्तर्गत नेपाल, ओमन र अमेरिकाबीचको त्रिकोणात्मक एकदिवसीय सिरिज आजदेखि हुने भएको छ । त्रिवि मैदान कीर्तिपुरमा हुने सिरिजको पहिलो खेलमा नेपालले ओमानसँग प्रतिस्पर्धा गर्दैछन् ।

सिरिजका लागि नेपाल क्रिकेट संघ (क्यान) ले यसअघि नै ज्ञानेन्द्र मल्लको कप्तानीमा १४ सदस्यीय खेलाडी टोलीको घोषणा गरिसकेको छ । नेपाली टोलीले अभ्यासलाई पनि तीव्र बनाएको छ । नेपाली टोलीले पुस २५ देखि पोखरा रंगशालामा अभ्यास गरेको थियो । अभ्यासका क्रममा नेपालले मलेसियासँग अभ्यास खेल पनि खेलेको थियो । सिरिज खेल्न अमेरिका र ओमन नेपाल आइसकेका छन् । अमेरिकी टोली दुई साता भारतमा तयार गरेर नेपाल आएको हो ।

माघ २९ गतेसम्म चल्न सिरिजमा २३ गते ओमन र अमेरिका, २५ गते नेपाल र अमेरिका, २६ गते नेपाल र ओमान, २८ गते अमेरिका र ओमन तथा २९ गते नेपाल र अमेरिकाबीच प्रतिस्पर्धा हुनेछ ।