अखबार नेपाल ट्रेन्डिङ

एजेन्सीः इन्ग्लिश प्रिमियर लिग फुटबलमा चेल्सीले लेष्टर सिटीसँग बराबरी खेल्दै अंक बाडेको छ । शनिबार राति भएको खेलमा चेल्सीले लेष्टरसँग २-२ गोलको बराबरी खेलेको हो । लेष्टरको मैदानमा खेलको ४६ औं मिनेटमा एन्टोनियो रुडीगरको गोलबाट चेल्सीले अग्रता बनाएको थियो ।

खेलको ५४ औं मिनेटमा हार्भी बर्नेसको गोलबर लेष्टर खेलमा फर्कियो । खेलको ६४औं मिनेटमा बेन चीलवेलले गोल गर्दै लेष्टरलाई २-१ को अग्रता दिलाए । तर, खेलको ७१औं मिनेटमा रुडीगरले व्यक्तिगत दोस्रो गोल गर्दै चेल्सीलाई हारबाट जोगाए । बराबरीसँगै चेल्सी २५ खेलमा ४१ अंक जोडेको छ । चेल्सी चौंथो स्थानमा रहेको छ । लेष्टर ४९ अंक जोडेर तेस्रो स्थानमा रहेको छ ।