अखबार नेपाल ट्रेन्डिङ

काठमाडौं: शहीद स्मारक ए डिभिजन लिग फुटबलमा आठौँ चरणका खेल आजबाट सुरु हुँदैछन् । आजको पहिलो खेलमा लिगको दाबेदार मछिन्द्र र पुलिस आमने सामने हुदैछन् । खेल दशरथ रंगशालामा दिउँसो ३ बजे सुरु हुनेछ ।

मछिन्द्रको ७ खेलबाट १३ अंक रहेको छ । ४ जित २ बराबर र १ हारको नतिजा सहित तेस्रो स्थानमा छ । लिगमा ७ खेल खेलेको पुलिसको ११ अंक रहेको छ । पुलिस ३ जित, २ बराबरी र २ हारको नतिजा सहित तालिकाको छैटौ स्थानमा छ ।

तीन खेलाडीको आगमनसँगै मछिन्द्रको प्लेईङ सेट बलियो हुने अनुमान गरिएको छ । पुलिसविरुद्ध मछिन्द्रले स्ट्राइकर विशाल राई ‘ए’ लाई पनि खेलाउनेछ । मछिन्द्र क्लबले आफ्ना तीन खेलाडीको आगमनमा पुन टिमले गति लिने विश्वास लिएको छ ।

विराज महर्जनको कप्तानीमा रहेको मछिन्द्रले गत सिजन लिगमा गरेको खराब प्रदर्शनका कारण एक अंक ऋण बोकेर मछिन्द्रले लिगको सुरुवात गरेको थियो । यता, पुलिस पनि लय गुमाएर दबाबमा आएको मछिन्द्रलाई हल्का नलिने सोचमा छ । भेट्रान खेलाडी जुमानु राई, भोला सिलवाल, सुमन सुवेदी, रविन श्रेष्ठको साथ पाएको पुलिसले हाल राष्ट्रिय टिमका सदस्य रवि पासवान, तेज तामाङ र अजित भण्डारीलाई मुख्य खेलाडि छन् ।

पुलिसविरुद्ध जित हात पार्दै मछिन्द्रलाई शीर्ष स्थानमा उक्लने मौका छ । यस्तै मछिन्द्रलाई हराउँदै पुलिस दोस्रो स्थानमा उक्लिन चाहन्छ ।