अखबार नेपाल ट्रेन्डिङ

एजेन्सीः पेरिस सेन्ट जर्मेन (पीएसजी) फ्रेन्च लिग कपको सेमिफाईनलमा प्रवेश गरेको छ । बुधबारराति भएको खेलमा मौरो ईकार्डीको ह्याट्रिकको सहयोगमा पीएसजीले १० खेलाडीमा सिमित सेन्ट एटिनलाई ६–१ गोल अन्तरले पाखा लगाएको हो ।

खेलको दोस्रो मिनेटमै ईकार्डीले गोल गर्दै पीएसजीलाई अग्रता दिलाएका थिए । वेस्ले फोफाना ३१ औं मिनेटमा रातो कार्ड खादै मैदान बाहिरिएपछि सेन्ट एटिन १० खेलाडीमा सिमित बनेको थियो । ३९ औं मिनेटमा नेयमारले पीएसजीको अग्रता दोब्बर बनाए । जेसी मौलिनले ४४ औं मिनेटमा आत्मघाति गोल गरेपछि पीएसजी ३–० ले अघि बढेको थियो ।

ईकार्डीले ४९ औं मिनेटमा पीएसजीका लागि ब्यक्तिगत दोस्रो गोल गरे । केलियन एम्बाप्पेकै पास सदुपयोग गर्दै ५७ औ मिनेटमा उनले ह्याट्रिक पुरा गरे । त्यसपछि ईकार्डीको पासको सदुपयोग गर्दै एम्बाप्पेले ६७ औ मिनेटमा पीएसजीलाई ६–० ले अघि बढाए । ७१ औं मिनेटमा सेन्ट एटिनीको लागि योहान काबायीले सान्त्वना गोल गरे । पीएसजीको जितसंगै फ्रेन्च कपमा सेमिफाईनल पुग्ने चार टिमको टुङ्गो लागेको छ । प्रतियोगितामा पीएसजीसंगै स्टेड रेम्स, लियोन र लिलीले अन्तिम ४ मा स्थान पक्का गरेका छन् ।