अखबार नेपाल ट्रेन्डिङ

एजेन्सीः म्यान्चेष्टर सिटी एफएकपको चौथो चरणमा प्रवेश गरेको छ । शनिबार राति भएको खेलमा सिटीले ईङ्ल्याण्डको चौथो डिभिजनको क्लब पोर्ट भेललाई ४–१ गोल अन्तरले हराएको हो । फिल फोडिनले एक गोल गर्दै थप एक गोलको अवसर सिर्जना गरेपछि सिटीले सहज जित निकालेको हो ।

सिटीले गत सिजन चारैवटा घरेलु ट्रफी जितेको थियो । अलेक्सान्डर जिन्चोन्कोले २० औ मिनेटमा सिटीलाई अग्रता दिलाएका थिए । तर ३५ औ मिनेटमा टोम पोपीले गोल गर्दै खेल बराबरीमा ल्याए । पाहुना टोली खेलमा धेरै बेर टिक्न सकेन । घरेलु टोलीका फरवार्ड सर्जियो अग्युरोले ४२ औ मिनेटमा गोल गर्दै सिटीलाई पुन अग्रता दिलाउन सफल रहे ।

टेलर हारवुडले ५८ औ मिनेटमा सिटीलाई ३–१ ले अघि बढाए । फोडिनले ७६ औ मिनेटमा गोल गर्दै सिटीलाई फराकिलो जित दिलाए । सिटीले अब कारबाओ कपको सेमिफाईनलको पहिलो लेगमा मंगलबार म्यान्चेष्टर युनाईटेडसंग ओल्डट्राफोर्डमा खेल्नेछ । सोही दिन भेलले सालफोर्ड सिटीसंग ईपीएल ट्रफीको लागि खेल्नेछ ।