अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग अन्तर्गत शनिबार र आईतबारका लागि तय भएको खेलहरु स्थगित भएको छ । अखिल नेपाल फुटबल संघ (एन्फा) ले खराब मौषमको कारण देखाउदै शनिबार र आईतबारको खेलहरु स्थगित गरिएको जनाएको छ ।

वर्षाको कारण मैदान खराब भएको कारण एन्फाको लिग कमिटिको आपत्कालीन बैठकले लिग दुई दिन सार्ने निर्णय गरेको हो । अब लिगको पाँचौ चरणका खेलहरु सोमबारबाट सुरु हुनेछ । जस अनुसार सोमबार मनाङ र मछिन्द्र तथा एनआरटी र जावलाखेलबीच खेल हुनेछ । यस्तै मंगलबार हिमालयन शेर्पा र फ्रेन्ड्स क्लबबीच खेल हुनेछ । पाँचौ चरणको सबै खेल दशरथ रंगशालामा हुनेछ ।