अखबार नेपाल ट्रेन्डिङ

एजेन्सीः अमेरिकी हवाई कारवाहीमा इरानी सैन्य जनरल कस्सिम सोलेमानीको मृत्यु भएसँगै मध्यपूर्वमा युद्धको अवस्था सिर्जना भएको छ । अमेरिकी राष्ट्रपति डोनाल्ड ट्रम्पको आदेशमा अमेरिकाले इराकको बग्दाद अन्तर्राष्ट्रिय विमानस्थलमा रहेका कस्सिम सहित इराकी मिलिसियाका प्रमुखमाथि ‘एयर स्ट्राइक’ गरेको थियो ।

सेना प्रमुखको हत्या भएपछि इरानले अमेरिकासँग बदला लिने चेतावनी दिइसकेको छ । यसैबीच अमेरिकाले आफ्ना नागरिकलाइ तुरुन्त इराक छाड्न निर्देशन दिएको छ । अमेरिकाको ट्राभल स्टेट डिपार्टमेण्टले विमानस्थलमा आक्रमणपछि सुरक्षा सतर्कताका सूचना जारी गर्दै आफ्ना नागरिकलाई इराक छाड्न भनको हो ।

यसअघि नै फ्रान्सले आफ्ना नागरिकलाइ इरान छाडन भनेको थियो । इरान अमेरिकाबीचको तनावलाइ लिएर चीनले अमेरिकालाइ संयमता अपनाउन आग्रह गरेको छ । चीनका परराष्ट्र मन्त्रालयका प्रवक्ता गेन्ज शु आले अन्तराष्ट्रिय सम्बन्धमा शक्तिको प्रयोगको विरोध गर्ने जनाएका छन् ।