अखबार नेपाल ट्रेन्डिङ

कास्की: पोखरामा दोस्रो संस्करणको पोखरा प्रिमियर लिग पिपिएल क्रिकेट प्रतियोगिता आजदेखि हुने भएको छ । शनिबारदेखि प्रतियोगिता सुरु हुने भनिएपनि मौसमी खराबीले एकदिन पछि सरेको हो । प्रतियोगिता आयोजक क्विन्स इभेन्ट म्यानेजमेन्ट प्रालिका प्रबन्ध निर्देशक छुम्वी लामाले खेलका लागि आवश्यक सम्पूर्ण तयारी पूरा भएको जनाएका छन् ।

उद्घाटन खेल साबिक विजेता पोखरा पल्टन र काठमाडौँ गोल्डेन्सबीच प्रतिस्पर्धा हुने छ । नेपाली क्रिकेटमा सर्वाधिक पुरस्कार राशी रहेको प्रतियोगिताको विजेताले रु २७ लाख तथा उपविजेताले रु १० लाख पुरस्कार पाउनेछन् । प्रतियोगितामा साबिक विजेता पोखरा पल्टन, विराटनगर टाइटन्स, बुटवल ब्लास्टर्स, चितवन राइनोज, काठमाडौँ गोल्डेन वारियर्स र एक्सपर्ट धनगढी ब्लुज गरी देशका विभिन्न ६ शहरका ६ टोलीको सहभागिता छ । प्रतियोगिता पुस १२ सम्म चल्ने छ ।