अखबार नेपाल ट्रेन्डिङ

काठमाडौं: मलेसियामा जारी एसिसी यु-१९ महिला एसिया कपमा नेपालले आज भारतसँग खेल्दैछ । मलेसियाको क्वालालाम्पुरमा नेपालले आफ्नो दोस्रो खेल भारतसँग खेल्न लागेको हो ।

यही खेलले समूह ‘बी’ को विजेता टुंगो लाग्नेछ । नेपालले आइसिसी यु-१९ विश्वकप एसिया छनोट च्याम्पियनका हैसियतमा एसिया कपमा स्थान बनाएको हो । समूह ‘बी’ को पहिलो खेलमा नेपालले पूजा महतोको कप्तानी इनिङ्ससँगै पाकिस्तानलाई ६ विकेटले पराजित गरेको थियो ।

पाकिस्तानले दिएको १०५ रनको लक्ष्य नेपालले १९ ओभरमा चार विकेट गुमाएर पूरा गर्‍यो । लगातारको दोस्रो हारसहित पाकिस्तानले पाँचौं स्थानका लागि खेल्ने भएको छ । पाकिस्तान पहिलो खेलमा भारतसँग ९ विकेटले पराजित भएको थियो ।

प्रतियोगिताको समूह ‘ए’ मा श्रीलंका, बंगलादेश र मलेसिया रहेका छन् । यु-१९ महिला विश्वकप आगामी बर्षको जनवरीमा मलेसियामा नै आयोजना हुँदैछ । विश्व कपमा नेपाल अस्ट्रेलिया, बंगलादेश र स्कटल्यान्डसँग समूह ‘डी’ मा रहेको छ ।

नेपाली टोलीः

सोनी पाख्रिन, किरन कुमारी कुवँर, कृष्मा गुरुङ, साना प्रविन, स्नेहा महरा, सावित्रा धामी, तृषना विक, रिया शर्मा, अलिशा कुमारी यादव, पूजा महतो, कुसुम गोदार, सिमाना केसी, ज्योत्सिका मरासिनी, रचना चौधरी र अनु कडायत ।