अखबार नेपाल ट्रेन्डिङ

काठमाडौं: काभा महिला भलिबल नेसन्स लिगमा श्रीलंकालाई सोझो सेटमा हराउँदै इरान तेस्रो स्थान हाँसिल गरेको छ । त्रिपुरेश्वरस्थित राष्ट्रिय खेलकुद परिषदको कभर्ड हलमा आज भएको खेलको पहिलो सेट २५-२२ ले जित्दै १-० को अग्रता बनायो ।

दोस्रो सेटमा भने श्रीलंकाले युवा टोली इरानलाई चुनौती दियो । सुरूदेखि नै प्रतिस्पर्धात्मक बनेको सेटमा इरानले नै बाजी मार्यो । २८-२६ ले दोस्रो सेट जितेर इरानले २-० को स्पष्ट अग्रता बनायो । २-० ले पछि परेको श्रीलंका तेस्रो सेटमा झनै निरिह बन्यो। जहाँ इरानले २५-१७ ले तेस्रो सेट आफ्नो पक्षमा पार्यो ।

इरानले लिग चरणमा पनि श्रीलंकालाई हराएको थियो । सहज जितका साथ इरान तेस्रो भयो । श्रीलंका भने चौथो भयो । इरान सेमिफाइनलमा नेपालसँग र श्रीलंका भारतसँग पराजित भएको थियो ।