अखबार नेपाल ट्रेन्डिङ

एजेन्सी: भारत र श्रीलंका एसीसी वुमन्स एसिया कपको फाइनलमा प्रवेश गरेका छन् । गएराति श्रीलंकाको रंगिरी डम्बुला अन्तर्राष्ट्रिय क्रिकेट मैदानमा बंगलादेशमाथि १० विकेटको फराकिलो जित निकाल्दै भारत फाइनलमा पुगेको हो ।

बंगलादेशले दिएको ८१ रनको लक्ष्य भारतले ११ ओभरमा कुनैपनि विकेट नगुमाई पूरा गर्‍यो । त्यसअघि टस जितेर ब्याटिङ रोजेको बंगलादेशले निर्धारित २० ओभरमा ८ विकेट गुमाउँदै ८० रन बनाएको थियो । यस्तै आयोजक श्रीलंका पनि पाकिस्तानलाई ३ विकेटले पराजित गर्दै फाइनलमा पुगेको हो । पाकिस्तानले दिएको १४१ रनको लक्ष्य श्रीलंकाले ७ विकेट गुमाएर १९.५ ओभरमा पूरा गर्‍यो । टस हारेर पहिले ब्याटिङ गरेको पाकिस्तानले २० ओभरमा ४ विकेटको क्षतिमा १४० रन बनाएको थियो ।

श्रीलंका र भारतबीच उपाधिका लागि आइतबार खेल्नेछ । भारत ८ मध्ये ७ संस्करणको च्याम्पियन हो । सन् २०१८ मा बंगलादेशले उपाधि जितेको थियो ।