अखबार नेपाल ट्रेन्डिङ

काठमाडौं: नेपाल सुपर लिग (एनएसएल) २०२३ मा आज काठमाडौं रेजर्स र एफसी चितवनबीच खेल हुँदैछ । यी दुईबीचको खेल साँझ ५:३० बजे त्रिपुरेश्वरस्थति दशरथ रंगशालामा सुरु हुनेछ ।

काठमाडौंले उद्घाटन खेलमा नयाँ टोली स्पोर्टिङ इलाम एफसीलाई १-० गोल अन्तरले हराउँदै विजयी सुरुवात गरिसकेको छ । काठमाडौले पहिलो खेल जित्दै ३ अंक जोड्दा सन्तुष्ट देखिए पनि काठमाडौंका प्रशिक्षक बालगोपाल महर्जनले अपेक्षा गरे अनुसार खेल हुन नसकेको बताएका थिए । उनले उपाधि रक्षा गर्नका लागि अझ राम्रो प्रदर्शन गर्नुपर्ने बताएका थिए ।

उता एफसी चितवन भने पहिलो खेलमा पोखरा थण्डर्ससँग १-० ले पराजित भयो । चितवनमा भारतका मेहराजुद्दिन वाडु मुख्य प्रिशक्षक छन् । उनले पहिलो खेलमा हारेपछि पहिला के भयो भन्दा पनि यो टिममा केन्द्रित हुने बताए । उनले आउने खेलहरुमा सुधारिएको प्रदर्शन गर्ने र जितका लागि खेल्ने बताएका थिए ।