अखबार नेपाल ट्रेन्डिङ

काठमाडौं: नेपाली फुटबलका स्टार डिफेन्डर अनन्त तामाङलाई बाहिर राख्दै नेपालले फिफा विश्वकप छनोटको दोस्रो चरणको युएई विरुद्धको खेलका लागि २३ सदस्यीय टोली घोषणा गरेको छ ।

घुँडामा चोट लागेको अनन्तले बिहीबार युएईमा हुने खेल गुमाउने एन्फाले जनाएको छ । तर उनको चोट गम्भिर नभएका कारण घरेलु मैदानमा यमनविरुद्ध मंसिर ५ गते हुने खेलबाट फर्केने अपेक्षा गरिएको छ ।

नेपाल प्रशिक्षक भिन्सेन्जो अल्बर्टो एनेसेले डिफ़ेन्डरद्वय योगेश गुरुङ, मिडफिल्डर निशान हमाल र फरवार्ड राजेश परियारलाई पहिलो पटक राष्ट्रिय टोलीमा समेटेका छन् । यस्तै मिडफिल्डर सेसेहाङ आङ्देम्बेले राष्ट्रिय टोलीमा पुनरागमन गरेका छन् । नेपाली टोली आइतबार युएई जाने तयारी गरेको छ ।

नेपाली फुटबल टोली

गोलकिपरः किरण कुमार लिम्बु, दीप कार्की, अभिषेक बराल

डिफेन्डरः सनिश श्रेष्ठ, रोहित चन्द, अन्जन राई, आशिष चौधरी, अमृत श्रेष्ठ, अरिक विष्ट, छिरिङ लामा, योगेश गुरुङ

मिडफिल्डर: लाकेन लिम्बु, उत्सव राई, कृतिश रत्न छुन्जु, मनिष डाँगी, सेसेहाङ आङ्देम्बे, निशान हमाल

फरवार्डः अन्जन विष्ट, आयुष घलान, जिलेस्पे जंग कार्की, हिसुब थपलिया, सञ्जीव विष्ट, राजेश परियार