अखबार नेपाल ट्रेन्डिङ

काठमाडौं: टी-२० त्रिदेशीय सिरिजको पहिलो खेलमा युनाइटेड अरब इमिरेड्सले (युएई) ले नेपाललाई १४१ रनको लक्ष्य दिएको छ । टस हारेर पहिले ब्याटिङ गरेको युएईले निर्धारित २० ओभरमा ७ विकेट गुमाउँदै १४० रन बनाएको हो ।

युएईका लागि वसिल हमीदले अर्धसतकीय पारी खेले । ३८ बलमा एक चौका र ४ छक्का प्रहार गर्दै उनले ५१ रन बनाएका हुन् । ओपनर खालिद साह रनको खाता नै नखोलि आउट हुँदा कप्तान मोहम्मद वासिमले १८ बलमा १७ रन जोडे । आसिफ खान १५, अलि नासिर ३२ रनमा आउट हुँदा अलिसान सराफुले ६ रनको योगदान गरे । सन्चित शर्मा २ र निलान्स केसवानी ४ रनमा नटआउट रहे ।

नेपालका लागि करण केसीले ३ तथा गुल्सन झाले २ विकेट लिए । सोमपाल कामी र अभिनास बोहराले एक एक विकेट हात पारे । युएईविरुद्ध डेब्यू गरेका मौसम ढकालले २ ओभरमा १४ रन खर्चिए पनि विकेट लिन सकेनन् । १४१ रनको लक्ष्यसहित नेपालले अहिले जवाफी ब्याटिङ गरिरहेको छ ।