अखबार नेपाल ट्रेन्डिङ

एजेन्सीः एसियाको सबैभन्दा ठूलो क्लब प्रतियोगिता एएफसी च्याम्पियन्स लिगको ड्र सार्वजनिक गरिएको छ । एसियाली फुटबल महासंघ (एएफसी) ले आज एसियाका विभिन्न ४० क्लबलाई १० समूहमा विभाजन गरेको हो ।

लिगमा साउदी अरेबिया, जापान र दक्षिण कोरियाका चार-चार क्लबले भाग लिँदैछन् । गत सिजनको साउदी प्रो लिग जितेको अल-हिलालसहित अल-इत्तिहाद र अल-फयाहाले सिधा समूह चरणमा स्थान बनाएका थिए ।

पोर्चुगिज सुपरस्टार क्रिस्टियानो रोनाल्डो आबद्ध अल-नासरले क्वालिफाइङ प्लेअफ जितेर समूह चरणमा स्थान बनाएको थियो । लिगमा दक्षिण एसियाबाट भारतको मुम्बई सिटीले मात्र भाग लिँदैछ ।

मुम्बई समूह ‘डी’ मा परेको छ । यो समूहमा साउदी क्लब अल-हिलालसहित इरानको नसाजी मजान्दरन र उज्वेकिस्तानको नाभबहोर छन् ।

अल-हिलालमा ब्राजिल फरवार्ड नेइमार, सेनेगलका काउलीबाली, पोर्चुगलका रुबेन नेभेस र सर्वियाका मिट्रोभिक विदेशी खेलाडीको रुपमा आबद्ध छन् । त्यसैले नेइमारसँगै युरोपमा खेलेका स्टार खेलाडीले भारतले आएर मुम्बईसँग खेल्ने भएका छन् ।

लिगको समूह चरणका खेल १८ सेप्टेम्बरदेखि होम एन्ड अवेका आधारमा हुनेछन् । १० समूह विजेता र ६ उत्कृष्ट उपविजेता नकआउट चरणमा पुग्नेछन् ।

समूह विभाजनसहितः

समूह ए: पाख्तकोर, अल फयाहा एफसी, अहल एफसी, अल ऐन एफसी

समूह बी: अल साद एससी, एफसी नसाफ, अल फैसली, शारजाह एफसी

समूह सी : अल इत्तिहाद, सेपाहान, एयर फोर्स क्लब, एजीएमके एफसी

समूह डी: अल हिलाल, नसाजी मजान्दरन एफसी, मुम्बई सिटी एफसी, नवबाहोर

समूह ई: पर्सेपोलिस एफसी, अल दुहेल एससी, एफसी इस्टिक्लोल, अल नासर

समूह एफ : जोनबुक हुन्डाइ मोर्टस एफसी, बैंकक युनाइटेड, लाइन सिटी सोइलर्स, किट्ची एससी

समूह जी : योकोहामा, शान्डोङ ताइशान एफसी, काया एफसी-इलोइलो, इन्चेन युनाइटेड एफसी

समूह एच: बुरिराम युनाइटेड, भेन्टफोरेट कोफु, मेलबर्न सिटी एफसी, झेइयाङ एफसी 

समूह आई: उल्सान हुन्डाई एफसी, कावासाकी फ्रन्टेल, जोहर दारुल ताजिम, बीजी पथुम युनाइटेड

समूह जे : वुहान थ्री टाउन्स एफसी, पोहाङ स्टीलर, हनोई एफसी, उरावा रेड डाइमन्डस