अखबार नेपाल ट्रेन्डिङ

काठमाडौं: इङ्ल्यान्डलाई १-० गोल अन्तरले पराजित गर्दै स्पेन महिला विश्वकपको नयाँ विजेता बनेको छ । अष्ट्रेलियामा आज भएको फाइनलमा स्पेनकी कप्तान ओल्गा कार्मोना गार्सियाले निर्णायक गोल गरिन् ।

खेलको २९औँ मिनेटमा कप्तानसमेत रहेकी गार्सियाले गरेको गोलमा स्पेन विश्व विजेता बनेको हो । दोस्रो हाफमा स्पेनले पेनाल्टीको मौका पाएपनि अग्रता दोब्बरको मौका सदुपयोग गर्न सकेन ।

खेलको ७०औँ मिनेटमा जेनिफर हार्मोसोले प्राप्त पेनाल्टी सदुपयोग गर्न सकिनन् । महिला विश्वकप हालसम्म अमेरिकाले ४, जर्मनीले २ तथा जापान र नर्वेले एक एकपटक जितेका छन् ।