अखबार नेपाल ट्रेन्डिङ

काठमाडौं: घरेलु टोली अष्ट्रेलियालाई पराजित गर्दै इङ्ल्यान्ड महिला विश्वकप फुटबलको फाइनलमा पुगेको छ । आज भएको दोस्रो सेमिफाइनलमा इङ्ल्यान्ड ३-१ गोलले विजयी भयो ।

इङ्ल्यान्डले ३६औँ मिनेटमा अग्रता लिएको थियो । अलेस्सिया रुस्सोको पासमा एन्ना आन टोनीले गोल गरेपछि अष्ट्रेलिया खेलमा पछि परेको थियो । दोस्रो हाफमा खेल बराबरीमा ल्याएपनि अष्ट्रेलियाले हार टार्न सकेन ।

अस्ट्रेलियाकी समन्था करले ६३औँ मिनेटमा खेल बराबरीमा ल्याइन् । खेलको ७१औँ मिनेटमा लरेन हेम्पको गोलमा इङ्ल्यान्डले फेरी अग्रता लियो । अलेस्सिया रुस्सोले ८६औँ मिनेटमा गोल थप्दै इङ्ल्यान्डको जित सुनिश्चित पारे  ।

विजेता इङ्ल्यान्डले उपाधिका लागि स्पेनसँग खेल्ने छ । फाइनल जसले जितेपनि महिला विश्वकपले नयाँ विजेता पाउने छ । इङ्ल्यान्ड र स्पेन दुवै महिला विश्वकपमा पहिलो पटक फाइनल पुगेको हो ।