अखबार नेपाल ट्रेन्डिङ

काठमाडौं: ‘रामेछाप कप फुटसल-२०७६’को उपाधि अनेरास्ववियु रामेछापले जितेको छ । प्रतियोगितमा लिखुभूजी रामेछाप दोस्रो तथा डाइनामिक युवा क्लब रामेछाप तेस्रो भएका छन् ।

काठमाडौंको शान्तिनगर फुटसल मैदानमा रामेछाप-काठमाडौं पत्रकार समाजले आयोजना गरेको फुटसल प्रतियोगितामा रामेछापको २७ टिमको सहभागिता थियो । रामेछाप जिल्लाबाट काठमाडौंमा आई विभिन्न पेशा-व्यवसायमा संलग्न तथा संघ-संस्थामा आबद्ध जिल्लाबासीहरुलाई लक्षित गरी रामेछाप-काठमाडौं पत्रकार समाजले प्रतियोगिताको आयोजना गरेको थियो ।

रामेछापबासीबीच सद्भाव, एकता एवम् मनोरञ्जन गराउने उद्देश्यले आयोजना गरिएको खेल लिगकम नटआउटका आधारमा खेलाईएको थियो । प्रतियोगितामा विजेतालाई नगद २५ हजार सहित ट्रफि, द्वितीय र तृतीयलाई क्रमश: नगद १५ हजार र १० हजार पुरस्कार वितरण गरिएको थियो ।

प्रतियोगिताको उदघटन सत्रमा प्रमुख अथिति माधव ढुङगेलले गरेका थिए भने समापन समारोहमा प्रमुख अथिति प्रतिनिधिसभा सदस्य श्यामकुमार श्रेष्ठले विजेतालाई पुरस्कार वितरण गरेका थिए ।

रामेछाप-काठमाडौं पत्रकार समाज रामेछापबाट काठमाडौं आएर पत्रकारिता कर्ममा सक्रिय पत्रकारहरुको साझा संस्था हो ।।