अखबार नेपाल ट्रेन्डिङ

एजेन्सी: प्रि-सिजन टूर अन्तर्गत मैत्रीपूर्ण खेलमा बार्सिलोनाले आर्सनललाई हराएको छ । गएराति भएको खेलमा घरेलु टोली बार्सिलोनाले प्रिमियर लिग क्लब आर्सनललाई २-१ गोल अन्तरले हराएको हो ।

खेलको ३६औ मिनेटमा एमरिक अबुमियाङले गोल गर्दै आर्सनललाई सुरुवाती अग्रता दिलाएका थिए । आईन्सले मेटल्याण्ड नाईल्सको ६९ औ मिनेटमा आत्मघाति गोलमा बार्सिलोना खेलमा फर्किएको थियो । बैकल्पिक खेलाडीको रुपमा मैदान छिरेका लुईस स्वारेजले अन्तिम मिनेटमा गोल गर्दै बार्सिलोनालाई जित दिलाउन सफल रहे ।

प्रि-सिजनको अन्तिम खेलमा आर्सनलले बलियो टिम मैदान उतारेपनि हार टार्न भने सकेन । आर्सनलले आगामी आईतबार न्युक्यासलसंग खेल्दै प्रिमियर लिगको सूरुवात गर्दैछ ।