अखबार नेपाल ट्रेन्डिङ

काठमाडौं: घरेलु टोली युएईलाई ७ रनले हराउँदै नेपाल यू-१९ क्रिकेट विश्वकपमा छनोट भएको छ । नेपाली यू-१९ टोली आगामी वर्ष श्रीलंकामा हुने विश्वकपमा छनोट भएको हो ।

नेपाले दिएको १९२ रनको सामान्य लक्ष्य पछ्याएको युएई ४८ ओभरमा १८४ रन बनाउँदा अलआउट भयो । यो जितसँगै नेपालले सन् २०१९ मा युएईसँगको हारको बदला लिएको छ ।

सन् २०१९ मा भएको छनोट खेलमा नेपाल युएईसँग डर्कवर्थ लेविसको मेथडको आधारमा १ रनले पराजित हुँदा विश्वकप खेल्नबाट चुकेको थियो । नेपालका हेमन्त धामी, दिपेश कँडेल र सुवास भण्डारीले समान २ विकेट लिए ।

युएईका ओपनर आर्यना सक्सेना र आर्यान्स शर्माले त्यसअघि युएईको अजमानस्थित अर्डेन गार्डेन ओभल स्टेडियममा घरेलु टोली युएईले टस जितेर फिल्डिङ रोजेपछि ब्याटिङ गरेको नेपाल ४८.५ ओभरमा १ सय ९१ रन बनाउँदा अल आउट भयो ।

चौथो विकेटका लागि कप्तान देव खनाल र उत्तम रञ्जु थापा मगरले ८४ रनको साझेदार गर्दै नेपालको इनिङ्स उकासेका थिए ।  देव ५१ रन बनाउँदा क्याच आउट भए। ८४ बलको सामना गरेका देवले ३ चौका र १ छक्का हाने । उत्तमले ४८ बलमा ४ चौका र १ छक्का हान्दै ३६ रनमा पवेलियन फर्के । विशाल विक्रम केसीले ३८ रन थपे। विशालले ५० बलमा ५ चौका हाने ।

मिलन बोहोरा १० रनमा रन आउट भए । हेमन्त धामी १३ रनमा क्याच आउट भए । दुवै ओपनरलाई सुरुवातमै गुमाएको नेपाली टोली दबाबमा आएको थियो ।

नेपालले चौथो ओभरमा नै दुवै ओपनरलाई गुमाएको छ । दिपक बोहोरा शून्य र अर्जुन कुमाल ३ रनमा आउट भए । आकाश त्रिपाठी ९ रनमा बोल्ड आउट भए ।

युएईका धुव परासरले ३ विकेट लिए । आयान अफ्जल खान र हरित हरिस सेट्टीले समान २ विकेट लिए । अर्सित सेट र अम्मर बदामीले एक एक विकेट आफ्नो नाममा गरे ।

नेपालले दिएको १९२ रनको लक्ष्य पछ्याएको युएई ४८ ओभरमा १ सय ८५ रनमा अल आउट भयो । हारको नजिक पुगेको नेपालका लागि दीपेश कँडेलले ४७ औं ओभरमा तीन विकेट लिएपछि नेपालको जित पक्का भएको हो ।

घातक बलिङ गरेका सुवासले आफ्नो स्पेलमा १ मेडन राख्दै ३१ रन दिएर ५ विकेट लिए । सुवास भण्डारीले १० ओभरमा ३९ रन खर्चेर २ विकेट लिए । हेमन्त धामीले ३४ बल खर्चेर २ विकेट झारे ।

युएईका लागि पहिलो विकेटका लागि ओपनर अर्यान सक्सेना र अर्यान्शले ६७ रनको साझेदारी गरेका थिए । इथान डी सोल्झाले ५० रन बनाए। ओपनर अर्यान्श शर्मा ३२ रनमा पवेलियन फर्के ।